SPORTSWORLD.AM
Անգլիական Պրեմիեր լիգայի ղեկավարները խորհուրդ են տալիս ակումբներին հրաժարվել VAR համակարգի լիազորությունների ընդլայնումից հաջորդ մրցաշրջանից սկսած, տեղեկացնում է` The Guardian-ը։
Ֆուտբոլի միջազգային ասոցիացիայի խորհուրդը (IFAB), որը սահմանում է ֆուտբոլի խաղի կանոնները, փետրվարին թույլ տվեց VAR համակարգին միջամտել անկյունայինների կամ երկրորդ դեղին քարտի դեպքում։
Աղբյուրի փոխանցմամբ՝ Անգլիայի Պրեմիեր լիգան արդեն խորհրդակցություններ է անցկացրել մրցավարական կազմի հետ այս գաղափարների վերաբերյալ և մտադիր է խորհուրդ տալ իր ակումբներին քվեարկել դրանց դեմ՝ VAR-ը թողնելով միայն տուգանային հարվածների, հեռացումների և խաղից դուրս վիճակների վերաբերյալ որոշումների համար։
Մրցավարական կազմը մտավախություն ունի, որ նման նորամուծությունները զգալիորեն կմեծացնեն Անգլիայի Պրեմիեր լիգայի խաղերի ժամանակը, ինչը կարող է բացասաբար ընկալվել հեռարձակողների կողմից, ինչպես նաև լրացուցիչ ճնշման կենթարկի մրցավարներին։
Վերջնական որոշումը կկայացվի հաջորդ ամիս, երբ Պրեմիեր լիգայի ակումբները կանցկացնեն իրենց տարեկան հանդիպումը։