SPORTSWORLD.AM
«Մանչեսթեր Սիթին» նոր պայմանագիր է կնքել կիսապաշտպան` Ֆիլիպ Ֆոդենի հետ , հայտնում է The Athletic-ի լրագրող և ինսայդեր Դեյվիդ Օրնշտեյնը սոցիալական ցանցերում։ Աղբյուրի փոխանցմամբ՝ նոր պայմանագիրը նախատեսված կլինի մինչև 2030 թվականը։
Ֆոդենը «Մանչեսթեր Սիթիի» երիտասարդական համակարգի սան է։ Այս մրցաշրջանում 25-ամյա կիսապաշտպանը բոլոր մրցաշարերում անցկացրել է 46 խաղ, խփել 10 գոլ և կատարել հինգ գոլային փոխանցում։ Հեղինակավոր Transfermarkt առցանց պորտալը Ֆոդենի շուկայական արժեքը գնահատում է 80 միլիոն եվրո։
«Քաղաքայիններն» ներկայումս զբաղեցնում են Պրեմիեր լիգայի մրցաշարային աղյուսակի երկրորդ հորիզոնականը՝ առաջատար «Արսենալից» հետ մնալով հինգ միավորով։