Ֆեդերիկո Կիեզան հայտարարել է, որ պատրաստ է տեղափոխվել «Յուվենտուս»

«Լիվերպուլի»  թևային հարձակվող` Ֆեդերիկո Կիեզան պատրաստ է վերադառնալ «Յուվենտուս»։ Թուրինյան ակումբը դիտարկում է վարձակալության պայմանագիր՝ գնելու հնարավորությամբ, հայտնում է ներքին աղբյուր Նիկոլո Շիրան։

Կողմերը, ամենայն հավանականությամբ, կսկսեն գործարքի շուրջ քննարկումները արդեն հաջորդ շաբաթ։ «Լիվերպուլի» ղեկավարությունը կնախընտրեր բաժանվել խաղացողից մշտական տրանսֆերի, այլ ոչ թե ժամանակավորի։

Իտալացին միացել է «Մերսիսայդներին» 2024 թվականի օգոստոսին՝ «Յուվենտուսից» տեղափոխվելով 12 միլիոն եվրոյի դիմաց։ Նրա պայմանագիրը անգլիական ակումբի հետ նախատեսված է մինչև 2028 թվականի հունիսի վերջը, և նրա ներկայիս շուկայական արժեքը, ըստ Transfermarkt-ի, կազմում է 18 միլիոն եվրո։

«Յուվենտուսի» կազմում անցկացրած ժամանակահատվածում Կիեզան անցկացրել է 131 խաղ, խփել 32 գոլ և կատարել 24 գոլային փոխանցում։ Այս մրցաշրջանում նա «Լիվերպուլի» կազմում մասնակցել է 20 խաղի, ընդհանուր առմամբ խաղացել 469 րոպե, խփել երկու գոլ և կատարել երեք գոլային փոխանցում։