Էնրիկե Սերես. «Չեմպիոնների լիգան հաղթելը աներևակայելի դժվար է»

Մադրիդի «Ատլետիկո»-ի նախագահ` Էնրիկե Սերեսոն վստահություն հայտնեց, որ թիմը կարող է հաղթել ՈՒԵՖԱ-ի Չեմպիոնների լիգան։ Նա նշեց, որ դրան հասնելը չափազանց դժվար է ցանկացած թիմի համար, բայց Դիեգո Սիմեոնեի գլխավորությամբ «Ատլետիկոն» հաջողության բոլոր հնարավորություններն ունի։

«Չեմպիոնների լիգան հաղթելը աներևակայելի դժվար է ցանկացած թիմի համար։ Այնուամենայնիվ, ես վստահ եմ, որ [Սիմեոնեի] հետ մենք կարող ենք հասնել դրան։ Դիեգոյի և այս թիմի հետ մենք բոլոր հնարավորություններն ունենք։ Ես լավատես եմ։

Ինչո՞ւ չպետք է հաղթենք Չեմպիոնների լիգան։ Այո՛, կան ուժեղ մրցակիցներ, բայց մենք նույնպես ուժեղ թիմ ենք։ Մենք կարող ենք մի փոքր անհաջողակ լինել, բայց մենք շարժվում ենք դեպի մեր նպատակը։

«Մենք պահանջկոտ ենք և ձգտում ենք տիտղոսների։ Մենք ուզում ենք այդ կարևորագույն գավաթը, որն այժմ բացակայում է մեր հավաքածուից», - Սերեսոյի խոսքերն է մեջբերում AS-ը։

Լա Լիգայի 18 տուրից հետո «Ատլետիկո Մադրիդը» 37 միավորով զբաղեցնում է երրորդ տեղը՝ ինը միավորով հետ մնալով առաջատար «Բարսելոնայից»։ ՈՒԵՖԱ-ի Չեմպիոնների լիգայում մադրիդյան ակումբը 12 միավորով 8-րդն է։